Шушаш рушарнян Военно-Морской флотын кечыже палемдалтеш
Шушаш рушарнян Военно-Морской флотын кечыже палемдалтеш. Тидын вашеш республикым вуйлатыше Александр Евстифеев офицер, мичман, старшина, матрос, флотын ветеранже- влакым пайремышт дене саламла. Военно-Морской флот тыныслыкын гарантше, кугыжанышын аралыше куатше да вийже улеш. Тудо элнан теҥыз чекшым ӱшанлын арала. Шарнымаш да чап идалыкыште ме кугешнен шарналтена фашизмым сеҥымашке надырым пыштыше геройна- влакын подвигыштым. Тидыжат куандара: самырык- влак шке ача ден кочаштын почётан пашаштым умбакыже шуен, моряк- влакын радамыштым пойдарат. Марий Элна теҥыз деч тораште гынат, Военно-Морской флот дене чак кылдалтын. Республикыште шочшо адмирал- влак шке лӱмыштым курымеш шарнымашеш коденыт да ончыкылык тукымлан чапле пример улыт. Самырык тукымым военно-патриотизм шӱлышеш шуарымылан кугу тӱткыш ойыралтеш. Шке шонымашыштым республикысе юнга- влак илышыш шыҥдарат. Тений «Паллада» парус клубын рвезыже- влак тӱня йыр путешествий гыч пӧртылыныт. Нуно Марий Элын тистыже да марий мландан чондай дене пырля ийын коштыныт. Тиде пайрем вашеш флот дене илышым кылдыше чыла еҥлан тауштымашым ойлем. Чылалан тазалыкым, пиалым, чон куаным тыланем, - ойлалтеш республикым вуйлатышын саламлымашыштыже.
