Пенсионер- влакын совет жапысе стажыштым чыла шотыш налме

Россий пенсий фондын территориальный органлашкыже пытартыш жапыште совет пагытысе стажлан перерасчётым ышташ йодмашым пуаш тӱҥалыныт. Граждан- влакын погымо пенсий праваштым, тушкак Совет жапысат пура, кызыт чыла шотыш налме. 2002-шо ий марте улшо стажан граждан- влакым пенсий праваштым 2009 –ше ийыштак уэш ончен лекме. Тиде пашам тунам валоризаций маныныт. Уэш шотлымо формула чылалан икгай лийын 2002-шо ий икымше январьлан шотлымо пенсий капитал 10 процентлан кугемын. 1991-ше ий марте совет стажын кажне ийжылан эше ешарен ик процентым ушымо 2010-шо ий марте палемдыме пенсийым чыла уэш шотлымо. Тыге пенсионер- влак ешартышым налыныт. 2010-шо ий гыч пенсийым влоризацийым шотыш налын пеҥгыдемдат. Вес семын каласаш гын, совет жапысе чыла стажым шотыш налме. Сандене пенсийым уэш шотлаш кӱлешлыкше уке. 2002-шо ий гыч пенсийын кугытшо пашам пуышо- влакын тӱлымӧ страховой взносышт деч шога, - увертара пенсий фондын Марий Элысе пӧлкаже.

Прошлые выпуски