ДТП-ш логалше изи ӱдырлан кондымо моральный эҥгеклан 100 тӱжем теҥге оксам пӧртылтеныт
Марий Элыште ДТП-ш логалше изи ӱдырлан кондымо моральный эҥгеклан 100 тӱжем теҥге оксам пӧртылтеныт. Тидын шотышто Марий Турек районын прокуратурыжын иск йодмашыже дене суд келшен. Рашемдыме: кодшо ийын 12-шо сентябрьыште Марий Турек посёлкысо Комсомол уремыште йолешке вончем дене урем гоч лекше 9 ияш ӱдырым автомобильын водительже тӱкен кудалын да шылын. Тыге ӱдыр эмганен да уш-акыл да шӱм-чон орланымашыш логалын. Прокуратура судыш водитель деч моральный эҥгеклан компенсацийым кӱрын лукмо шотышто иск йодмашым пуэн. Судын решенийже почеш прокуратурын йодмашыжым шуктымо. Водитель моральный эҥгеклан 100 тӱжем теҥгем пӧртылтен.
Фото: Прокуратура Марий Эл.
Фото: Прокуратура Марий Эл.
