Динамо стадионым чоҥымо да воктелсе кундемым тӱзатыме йодышым правительствыште каҥашыме

Йошкар-Олаште «Динамо» стадионым пужен ыштыме да Изи Какшан эҥер серысе воктел кундемым вияҥдыме йодышым Марий Элым вуйлатыше Александр Евстифеев Правительствын еҥже- влак дене совещанийыште каҥашен. Кызыт шошо вӱдшор деч тиде кундемым кодшо ийын чоҥымо дамба арала. Тудын кужытшо 750 метр, чоҥашлан 101 миллион теҥг оксам кучылтмо. Дамбе арала, - каласен Александр Евстифеев. Но шулышо лум гыч погынышо вӱд пӧрт- влак да стадион кундемыш шарла. Ондак ыштыме план почеш, тиде йодыш стадионым пужен ыштыме годым кораҥдалтшаш ыле. Но спорт сооруженийым чоҥаш проектым ыштымаште норматив  база вашталтын. Кугурак пашажым шуктымо, но посна пӧрт- влак вӱд шарлыме кумдыкыш логалыт. Стадион республикылан кӱлеш. Сандене тудым пужен ыштыме йодышым виктарен колтыман. Тидлан республикым вуйлатыше пашам кок йыжыҥлан шелаш темлен: вӱд кайыме корным ышташ да стадионым пужен чоҥымаш. Дамба эҥер гыч вӱдлан шарлаш чаракым ышта, а йӱр да лум вӱдым йоктарен колташ вес сооружений лийшаш. Стадионым пужен ыштымеш, вӱдым колташ жаплан ыштыме решений лийшаш. А вара тыште у стадион чоҥалтшаш. Спорт туризм министрын мутшо почеш, 2022-шо ийлан стадионым чоҥаш документацийым ышташ, экспертизым эртараш вич миллион утла теҥге оксам палемдыме. 2023-шо ийлан чоҥаш 120 миллион ойыралтшаш. Республикым вуйлатыше ешарен: стадион калыклан кӱлеш. Сандене документацийым ямдылыме срокым лишыл жапыш кусараш кӱлеш, шушаш ийыш. Шушаш ийын шошым тыште илыше калыкын вӱд шарлыме дене нимогай проблемыжат лийшаш огыл, - иктешлен Александр Евстифеев.

Прошлые выпуски