Таче- Российысе тӱвыра пашаеҥын кечыже

Таче тӱвыра пашаеҥын кечыже палемдалтеш. Тиде пайрем дене Республикысе культурын пагалыме пашаеҥже ден искусствын пагалыме деятельже да ветеранже-влакым республикым вуйлатыше Александр Евстифеев саламла! Тиде пайрем календарьыште тичмаш права дене ойыртемалтше верым налын шога да палемдымыш шуаш тыршымашышт дене еҥ-влакым шке почешышт кумылаҥден наҥгаен, сай кумылым пӧлеклен, живописьын, кинематографийын произведенийыштым йӧратен ончаш, шўм-чоным вўчкышӧ музыкым колышташ, куштымо да театральный искусство дене кумылым нӧлташ йӧным пуэн кертше творческий вий-куатан еҥ-влакым иктыш уша. Тендан илышым тўзатыме пашада чынже денак алал кумылын кўкшын аклалтшаш. Россий ден Марий Эл Республикын правительствышт элын кызытсе да ончыкылык илышышт лўмеш отрасльым вияҥден толмо пашан могай кўлешан улмыжым тўрыснек умылат. Россий Президентын тўҥалтышыж почеш шыҥдаралт толшо «Культур» национальный проект ты шотышто пеш кугу полышлан шотлалтеш. Кодшо ийыште гына нацпроектын кышкарыштыже 6 культур пӧртым олмыктымо, Чумыр марий йоча хорым, Чумыр марий йоча духовой оркестрым, Чумыр марий йоча симфонический оркестрым, виртуальный концерт залым ыштыме. С.Г.Чавайн лўмеш национальный библиотеке книга-влакым цифрыш кусарыме шотышто пашам тўҥалын. Тений тиде паша умбакыже шуйна. Тылеч посна ме Кугу Сеҥымашын 75-ше идалыкшым да Марий Элын курымаш лўмгечыжым пайремлаш ямдылалтме шотышто пеш кугу задачым шуктышаш улына. Нине чапле мероприятийлам эртарымашке пеш кугу надырым пыштеда манын ўшанем. Поснак кугу тау отрасльын ветеранже-влаклан. Те йӧратыме пашалан ўшанле улмым ончыктымо шотышто чапле примерлан шотлалтыда, те мастарлыкда, палемдымыш шушаш верч чот тыршен пашам ыштен моштымыда дене самырык тукымым палдарен кертында. Чыла еҥлан ончыкыжат творческий сеҥымашке шуаш, кумыл нӧлтын пашам ышташ, у идейым, пеҥгыде тазалыкым да илышыште чыла сайым тыланем.- ойлалтеш республикым вуйлатышын саламлымашыштыже.

Прошлые выпуски