Корным начар олмыктымылан выговорым увертареныт
Корно пашазе- влаклан Комсомольский уремым начар олмыктымылан выговорым увертареныт. «Город» предприятийын корно бригадыже- влак кодшо каныш кечылаште Шернур трактыште, оласе Комсомольский да Киров уремлаште лакылам тӧрленыт. Тидын годымак ура чонан еҥ- влак ыштыме пашам войзен налын, фотосӱретым социал сетьлаште вераҥденыт. Тушто Комсомольский уремым олмыктымо годым пашазе- влакын материалым оптымо технологийым пудыртымышт ончыкталтеш. Тергымеке рашемын: чынак велыман асфальтым оптымо годым ГОСТ ден пеҥгыдемдыме нормым шуктымо огыл. Шке пашам кӱлеш семын шуктыдымлан, сотрудник- влак выговорым налыныт,- увертара Йошкар-Ола администрацийын пресс-службыжо.
