Приволжскийыште ФОК-ым чоҥен пытарыме паша майыште тӱҥалеш

Республикысе спорт туризм министр Лидия Батюкова Приволжский посёлкышто физкультура да тазалыкым пеҥгыдемдыме комплексым чоҥымо пашаште пытарыш йыжыҥ нерген каласкален. Спорт комплекс Марий Элым вуйлатышын кӱштымыж почеш, Республикын 100 ияш лӱмгечыжлан ыштен шукталтшаш. Министрын мутшо почеш, проект да смете документаций ямде, кугыжаныш экспертизым эртен. Вашке подрядчикым ойырымо шотышто аукцион увертаралтшаш. «Газпромыш» ешарен оксам колташ йодмаш дене официальный серышым колтымо. Министр ушештарен: чоҥен пытарашлан икымше транш республикыш кодшо ийын толын, кокымшыжым тенийлан палемдыме. Казначействын счётышкыжо тиде окса пурымек, бюджет йодмаш, лимит лиеш. Тунам вигак аукционым увертараш йӧн лектеш. ФОК-ым чоҥен пытарыме пашам майыште тӱҥалшаш улыт.

Прошлые выпуски