«Калык контроль» оптовый базылашке миен
Йошкар-Оласе кочкыш-сату базылашке «Калык контроль» миен савырнен. Тиде гана активист- влак кевыт ден супермаркетлашке огыл, а оптовый базылашке миеныт да сатун мыняр улмыжым, тудын акшым тергеныт. Рейд жапыште палемдыме: кажне верыште шуко да тӱрлӧ продукций уло. Ситыдымаш ик верыштат палдырнен огыл. Но южо вере йотэл гыч кондымо сатулан изиш акым кугемдымаш рашемеш. Тыгак сакыр, ложаш да шинчаллан акым нӧлталыныт. Ужалкалыше- влак тидым чот йодмаш дене умылтарат. Контролёр- влак тыгак кужун аралалтше продуктым шукырак наледымым палемдат. Но шапашым базе- влак эре уэмден, ешарен шогат.
