Ялпай ялыште волгыдырак лийын

Уремым волгалтарыме системым уэмдыме пашам ик ялыште мучашлыме. Звенигово районысо Ялпай ялысе калык тошто фонарь- влакым у светодиодан лампе дене вашталтыме  пашам мучашлен. Ял мучко «Альтаир» лӱман 16 у лампым вераҥдыме, кажныже 56 ватт куатан. Тыгак счётчикым, автоматым, таймерым да пускательым ыштыме. Тиде проект верысе инициативылан полшымо программе почеш тений шыҥдарыме икымше паша лийын. Кокшайск ял илемым вуйлатыше Пётр Николаевын мутшо почеш, чыла сомылым кӱчык жапыште верысе амалкалче шуктен. Проект уремым ныл пачаш сайынрак волгалтара. Тӱшка пашан акше 238 тӱжем теҥгеш шуын. 17 тӱжемжым верысе калык поген, 34 тӱжемжым верысе администраций ойырен, моло оксаже- республикын казнаже гыч.

Прошлые выпуски