ТЭЦ-ын лаборантше Российысе конкурсышто ший призёр лийын
Йошкар-Оласе кокымшо ТЭЦ-ын пашаеҥже Валентина Бахтина лаборант- влакын профессионал мастарлыкыштым тергыме Российысе конкурсышто ший призёр лийын. Конкурс 16-шо гыч 20-шо март марте Москошто лийын. Тушко 12 кугу энергетик компаний ушнен. 6-шо Таҥасымашын чыла йыжыҥжым эртымеке, Валентина «ТГК-11» АО гыч коллегыж дене икнаре очком поген. Ик тергымаште гына шукырак жапым эртарен. Тудлан кубок ден дипломым кучыктымо.
