Эҥерлаште ий кӱжгемын
Йошкар-Ола воктелсе Изи Какшаныште ийын кӱжгытшӧ 38 сантиметрыш шуэш. Специалист- влак лӱмын ийын кӱжгытшым висен лектыныт. Теҥгечысе кечылан шотлымаште Юлышто ий 17-22 сантиметрыш кылмен, Вӱтлаште 15-20, Элнетыште 17-22 сантиметр, Ола воктелсе Изи Какшаныште 33-38 сантиметрыш шуэш, понтон кӱвар воктене 12-16 сантиметр гына. А пӱя ден ерлаште ийын кӱжгытшӧ 30-40 сантиметрыш погына. Специалист- влакын мутышт почеш, сер воктене, писын йогымо, эҥер- влак ушнымаште, савыртышлаште, ийыш кылмен шичше предметла воктене, вӱдым да леве вӱдым йоктарыме тураште, канализаций вӱд йогымо верлаште ий вичкыж лиеш. Тыгак кылмыдыме вер, ваке, ий шелме кундемла лӱдыкшым луктыт.
