4-ше ноябрь- Марий Эл Республикын шочмо кечыже

         4-ше ноябрь- Марий Эл Республикын шочмо кечыже. Эрла тудо 100 ияш лӱмгечыжым палемда. Тиде кечын 1920-шо ийыште РСФСР Совнарком ден ВЦИК «Марий калыкын автоном областьшым ыштыме нерген»  пунчалым пеҥгыдемденыт. Тиде документ кугу пашалан тӱҥалтышым пыштен, марий калыкын йылмыжым, тӱвыражым вияҥдаш негыз лийын. Тудо ийынак ноябрь мучашлан  автоном областьын чекшым палемдыме. У автономийын административный рӱдержылан Краснококшайск олам палемдыме.        Кызыт Марий Эл Республика Россий Федерацийын тӧр праван субъектше. Республикысе калык шочмо кундемын да пӱтынь Российым вияҥдымашке шке надыржым пышта. Тыге 1965-ше ий 3-шо ноябрьыште  калык озанлыкым вияҥдымаште сеҥымашлан Марий АССР Ленин орден дене палемдалтын. Вич ий гыч 1970-шо ийыште Октябрь Революцийын орденжым кучыктымо. 1972-шо ий 29-ше декабрьыште эше ик наградым пуымо- Калык- влакын келшымашышт Орденым. 
        Кызыт шке курымаш лӱмгечыжым Марий Эл куштылго огыл жапыште вашлиеш. Осал чер шарлыме жапыште республикыште илыше- влак кыртмен пашам ыштат да куанле лектышыш шуын толыт. 

Прошлые выпуски