Рӱдӧ олаштына «Сарзе моряк да теҥыз пехотинец- влаклан» мемориал комплексым почмо

         Рӱдӧ олаштына «Сарзе моряк да теҥыз пехотинец- влаклан» мемориал комплексым почмо. Тудым Машиностроитель уремысе скверыште чоҥымо. Кугарнян тудым торжественно почмо. Тушто Марий Элым вуйлатыше Юрий Зайцев участвоватлен. Погынышо- влаклан тудо ушештарен: 27-ше ноябрьыште эллан да республикылан кӱлешан дата палемдалтеш- Теҥыз пехотын кечыже. Тиде мемориал- кугу элнан ласкалыкше верч тӱрлӧ ийлаште шке илышыштым пуышо сарзе пехотинец да моряк- влакым шарнен аклымынан символжо. Мемориалым вераҥдаш темлымаш дене  ВМФ-ын «Флагман» республикысе ветеранже- влак советын, ДОСААФ-ын еҥже-шамыч, боевой действийлан ветеранышт да тыглай еҥ- влак лектыныт. Комплексым шем гранит гыч ыштыме. Якорь ден савар- вакым инициативе группо вераҥден. Нунак мемориал воктене кушкыл- влакым шынденыт. Мучашлан Юрий Зайцев мемориал воктеке пеледыш аршашым пыштен да погынышо- влак дене пырля фотосӱретым ыштеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски