Йошкар-Оласе Йыван Кырла уремыште канализаций коллекторышто пужен ыштыме паша тӱналын
Йошкар-Оласе Йыван Кырла уремын чётный могыржо дене канализаций коллекторышто пужен ыштыме паша тӱналын. Ондак 9-ше микрорайонышто илыше- влак «Мебель» кевыт ваштареш пушеҥгым руымылан шыдешкеныт ыле. Но рашемын: тушто подряд органиазций канализаций коллекторым уэмда. Пушеҥгым руаш экологий комитет дене кутырен келшыме. Пашам мучашлымеке тиде кундемым тӱзландарыме йодыш уэш ончалтеш. Черняков урем деч Бауман урем марте Козьмодемьянск тракт да Йыван Кырля урем мучко шуйнышо самотёчный коллекторышто чоҥымо да монтаж пашам тений кеҥежым тӱҥалме ыле. Проектым шыҥдараш кок ий кая. Пашам «Спецстрой» компанийын специалистше- влак шуктат. Контрактын акше 282 миллион утла теҥге. Коллекторым 1974-ше ийыште чоҥымо. Тунам эше Медведево ден 9-ше микрорайон тыге кушкын шарлат да пучшо кучылтмо вӱдым йоктарен ок сеҥе манын шоналтенат огытыл. Адакшым тунамсе пучшат шке жапшым ыштен эртарен. Кызыт шуктымо паша ончыкыжым аварий деч кораҥаш да шукырак вӱдым йоктарен колташ йӧным ышта.
Фото: «ВНД» газет.
Фото: «ВНД» газет.
