Эртыше 2023-шо ийыште Республике мучко кум тӱжемат 400 утла еҥым аварийный пӧртла гыч кусарыме
Эртыше 2023-шо ийыште Республике мучко кум тӱжемат 400 утла еҥым аварийный пӧртла гыч кусарыме. Марий Элым вуйлатыше Юрий Зайцев Россий Правительстве вуйлатышын алмаштышыже Марат Хуснуллинын эртарыме Правительстве комиссийын заседанийыштыже участвоватлен. Тушто 2023-шо ийысе пашам иктешлыме. Тичмаш налмаште чоҥымо отрасль сай кушмашым ончыктен. Россстатын ончыктымыжо почеш чоҥымо паша пытартыш кум ийыште 23 процентлан кушкын, кодшо ийын тудо 7 процентлан кушмашым ончыктен, - каласен Марат Хуснуллин. Тудын мутшо почеш, тений тошто пӧрта гыч калыкым кусарыме у программым пенгыдемдыме лиеш. Марий Элыште программым шыҥдараш тӱҥалме годсек куд тӱжемат 900 еҥым кусарыме. Кодшо ийын тиде чот кум тӱжемат нылшӱдӧ еҥыш шуын. 42 тӱжем утла квадрат метр тошто илемым пытарыме. Тыге целевой показательым тичмаш шуктымо. Заседанийыште тыгак шыже-теле олтымо тургымын кузе кайымыжым каҥашыме. Марий Элыште олтымо тургым план режим почеш кая.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
