Эше шым котельный пӱртӱс газыш кусна
Республикыштына октябрь мучаш марте эше 7 котельныйым пӱртӱс газыш кусарат. Марий Элым вуйлатыше Александр Евстифеев Россий Правительство председательын алмаштышыже Марат Хуснуллинын эртарыме правительство комиссийын заседанийыштыже участвоватлен. Тушто илыме вер да коммунал озанлык дене кылдалтше йодыш- влакым ончымо. Марий Элыште объект- влакым олтымо тургымлан ямдыламаш мучашыш лишемеш. Кум тӱжемат 765 шуко пачеран пӧртым, 520 котельный гыч 484-шым ямдылыме. Шокшо, вӱд, канализаций, электро, газ пуч-влак 100 процентлан ямде улыт. Лу котельныйым пӱртӱс газыш кусарыман. Шымытше Куженер районышто, икте гыч Шернур, Курык марий да Марий Турек районлаште улыт. Кум модульный котельныйым чоҥымо, эше икте чоҥалтеш. Вӱдым ситарыме шотыштат паша шукталтеш. Окса жапыштыже ойыралтеш.
