Таче йӱдым Йошкар-Оласе Тӱҥ кӱварым петырыме лиеш
Таче йӱдым Йошкар-Оласе Тӱҥ кӱварым петырыме лиеш. Марий Элым вуйлатышын пашажым шуктышын кӱштымыжӧ почеш кӱварыште пашам ончылгоч шуктымо. Жапын чӱдӧ улмыжым шотыш налде олмыктымо пашан качествыже сай. Подряд организаций кум смене дене тыршен. Туге гынат паша умбакыже шуйна. Тротуарым да саварым ыштат. 31-ше октябрь марте кӱвар йымалым олмыкташ тӱҥалыт. Транспортым олмыктымо ужаш дене шуматкечын 20-шо августышто вич шагат эр гыч колтат. А таче 22 шагат гыч эрла вич шагат эр марте кӱварым тӱрыс петырат. Тиде жапыште троллейбусын контакт сетьшым мӧҥгеш шке верышкыже пижыктат. Тиде амал денак вес арнянат кӱварым жаплан петырыме лиеш.
Фото: Йошкар-Олан администрацийже.
Фото: Йошкар-Олан администрацийже.
