Марий йылме дене возымо корно пале- влакым шотыш кондат

              Марий Элым вуйлатышын пашажым шуктышын кӱштымыжӧ почеш марий йылме дене возымо корно пале- влакым шотыш кондат. Пресс-конференцийыште Юрий Зайцев палемден: географий объектым, корно да моло указательым кугыжаныш йылме- влак дене возымо нерген социал вотлаште шуко йодыш пура. Мутлан, ял лӱмым рушла гына возымо, марла возымо гын йоҥылышыжо шуко. Ӧ ден Ӱ буквам возаш огыл гын, мутын але лӱмын значенийже йӧршын весе лиеш. Юрий Зайцев ушештарен: Марий Эл - тиде калыкле республике. Сандене закон дене келшышын, указатель ден вывеске- влак кок кугыжаныш йылме дене возалтшаш улыт. Тиде йодышым тӧрлен колтымо лиеш. Республикын Правительствыжлан транспорт министерстве, ола да район администраций вуйлатыше- влак дене пырля тиде йодышым контрольыш налаш кӱштен. Юстиций министерствылан ял да объектлан лӱмыштым марий йылме дене официально савыкташ задачым шынден. Тыгак чат-ботым ыштен, калык мониторингым тӱналаш кӱлеш манын. Йоҥылышым ужшо еҥ- влак тудым войзен налын фотосӱретым колтен кертыт. МарНИИ тиде йодыш дене пашам ышта, методик материалым ямдылыме. Но указательым ямдылыше- влаклан кӱлешан марий буква дене компьютер программым ситараш кӱлеш. Тидым ме ыштен сеҥена,- каласен Юрий Зайцев.
             Фото: Марий Элым вуйлатышын организаций да аналитик виктемже.

Прошлые выпуски