Марий Элым вуйлатышын пашажым шуктышо «Родина» кинотеатрым пужен ыштыме йодышым мучашлаш шона
Марий Элым вуйлатышын пашажым шуктышо Юрий Зайцев «Родина» кинотеатрым пужен ыштыме йодышым мучашлаш шона. Пресс-конференцийыште Волжск олаште илыше- влакым тургыжландарыше йодышат йоҥген- шке жапыштыже чапланыше «Родина» кинотеатрым пужен ыштыме нерген. Юрий Зайцев палемден: Правительстве тиде зданийыште сымыктыш школым вераҥдаш ваштареш огыл. Нелылыкше мо дене кылдалтын? Йодышым вашке виктараш лийдымын ик амалже- тиде кинотеатр- тӱвыра поянлык объектлан шотлалтеш. Тыгайже олаште шӱдӧ утла уло. Нунын дене иктаж- мом ышташ йӧсӧ. Нуным пужен ышташ огыл, а реставрироватлаш гына лиеш. Мутлан, окна раме пу гыч ыштыме, 70 утла ияш. Тудым весе дене вашталташ ок лий. Лач тыгайымак весым заказатлаш гына лиеш. Тыгай шонымаш уло: тудым тӱвыра поянлык объект статус гыч лукташ да тушан сымыктыш школым ышташ. Йодышым тӱрлӧ велым шымленам. Теве мо рашемын: калыклан пеле шаланыше объект ок келше, вес велым йоча- влаклан сымыктыш школ кӱлеш. Сандене смелый решенийым лукман,- манын республикым вуйлатышын пашажым шуктышо.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
