Тулын авалтыме кумдыкшо эше 200 гектарлан ешаралтын
Юрино районысо чодыраште тул эше 200 гектарыш шарлен. «Авиалесоохранын» вийже дене тул пижме кумдыкым эскерен шогат. МЧС пресс-службын ончыктымыжо почеш, теҥгече эрлан тул 700 гектар кумдыклан эҥгекым конден, а Угарман областьыште вич тӱжемат 200 гектарыште йӱла. Угарман кундемыште пижше кугу тул 16-шо августышто Юрино район чекыш куснен. 17-ше август гыч районышто «чрезвычайный ситуаций» режимым увертарыме. Кызыт тушто 179 еҥ, 48 технике тырша. Область дене чекыште 36 меҥге кужыт опорный полосам ыштыме, Лишыл Васильевский села йыр мландым куралме. Оролат да угыч пижше верым йӧрташ тыршат, йӱдым тул ынже талышне манын эскерат. Ял- влаклан лӱдыкшӧ уке. Вий да технике ситыше, - увертара МЧС-ын пресс-службыжо.
Фото: Пӱртӱс поянлык министерстве.
Фото: Пӱртӱс поянлык министерстве.
