Юрий Зайцев: урлыкаш пырчым шукырак шапашлаш да российысе урлык- влакым чолганрак кучылташ тӱҥалына

           Юрий Зайцев тыге каласен: урлыкаш пырчым шукырак шапашлаш да российысе урлык- влакым чолганрак кучылташ тӱҥалына. Республикысе аграрий- влаклан Регион- влак кокласе кӱкшытан Пасун кечыже ик эн кӱлешан событийын савырнен. Тудо Курык марий районысо Тышнал ялыште Сергей Кандишкинын кресаньык-фермер озанлыкыштыже эртен. Шке пашам йӧратымылан да моштен виктарымылан кӧра тудо еш пашам пареҥгым да саскам ончен куштышо ончыл ял озанылк предприятийыш савырен кертын. Тиде мероприятийыш Марий Элым вуйлатышын пашажым шуктышо Юрий Зайцев миен. Тудо палемден: район пареҥгым ончымаште икымше верым, виш верыште саскам куштымо дене кокымшо верым налеш.
            Пасун кечышкыже Татарстанын премьер- министржын алмаштышыже, ял озанлык министрже Марат Зяббароват толын да ӱжмылан тауштен ойлен. Тудат пакча- саскан, пырчан культурын шкенан элысе селекцийжым кучылтмашым стратегий корнылан шотлен. Меат  тидын шотышто кугу пашам шуктена манын. «Поиск» агрохолингын селекций службыжым вуйлатыше Александр Ховрин палемден: Марий Эл Российыште Правительстве кӱкшытыштӧ российысе урлык ден гибридым шыҥдараш полшышо ик эн ончыл республике улеш. Юрий Зайцев селекций дене пашам ыштыше, урлыкашым куштышо да моло пашам шуктышо предприятий- влаклан полшаш сӧрен. Тиде корно дене каяш республикын кугу куатше уло манын.
             Фото: Марий Элым вуйлатышын организаций да аналитик виктемже.

Прошлые выпуски