Федераций Советын делегацийже Республикыштына пашам ыштен

Федераций Советын делегацийже Республикыштына пашам ыштен
           Теҥгече Федераций Советын делегацийже Республикыштына пашам ыштен. Визит кышкарыште сенатор- влак «Технотехын» производство площадкышкыже миеныт, электрон платым лукмо цехым онченыт да Йошкар-Оласе аэропорт комплексыш миеныт. Пассажир терминалын кӧргыжым онченыт да чоҥалтше чоҥештен кӱзымӧ да волен шичме полосам акленыт. Тудым кызытеш 40 утла процентлан ыштыме. Чоҥымо пашам писемдаш да эксплуатацийыш налме жапым лишкырак кусараш тыршена,- каласен республикым вуйлатыше. Сенатор- влак Республикым вуйлатыше дене аэропортым умбакыже вияҥдыме йодышым каҥашеныт.
           Федераций Советын еҥже- влак Республикыште спорт инфраструктурым ончыкыжым вияҥдыме йодышым каҥашеныт. Сенатор- влак визит кышкарыште тӱҥ спорт да физкультура объект- влак дене палыме лийыныт. Эн ончыч нуно «Марий Эл Арена» куштылго атлетике манежыш миеныт. Тудо тӱн спорт объект улеш гынат, чоҥен пытарыме огыл, чарымаш- влак дене пашам ышта. Чоҥымо пашам мучашлаш проект да смете документацийым ямдылыме. Тудын дене келшышын пожар лӱдыкшыдымылыкым ыштман, южтарыме системе- влакым монтироватлыман, барьердыме средам ыштыман, спорт шартыш- влакым вашталтыман. Проектым шыҥдарымаш шукырак еҥым пурташ гына огыл, спортсмен- влаклан чапле йӧным ышташ, каныме да реабилитаций пӧлем- влакым келыштараш полша. Тичмаш куатын пашам ышташ тӱҥалаш федерал полыш кӱлеш. Ме объектым федерал программыш пуртымо пашам умбакыже шуена,- каласен республикым вуйлатыше. Делегаций тыгак Семёновка селасе олимпий резерв Училищын тунемме корпусышкыжо миен. Тушто пужен ыштыме кугу паша мучашлалтеш. Федераций Советын еҥже- влак шуктымо пашан кӱкшӧ качествыжым палемденыт.
             Федераций Совет ден Марий Эл Республикын регионым вияҥдыме шотышто пырля пашаштым умбакыже шуйымо лиеш. Россий парламентын кӱшыл палатыжын делегацийже толмо кышкарыште «Марий Элым социал-экономик велым вияҥдаш Кугыжаныш полыш нерген» Федераций Советын пунчалжым илышыш шыҥдарыме йодыш дене совещаний лийын. Пунчалым шыҥдарыме кышкарыште 15 мероприятий шотышто йодыш- влакым решатлыме. Тушко Руэм посёлкышто школым пашаш колтымаш, Олимпий резерв училищым пужен ыштымаш да молат пурат. Ме тыште шуктымо пашалан куанаш гына огыл, моло проект- влакымат шыҥдараш полшаш толынна,- каласен Константин Косачёв. Мемнан тӱшка шонымашна- Федераций Советын решенийже- влакым шӱдӧ процент лишке шуктымашке шуаш. Совещанийыште кучем органым вуйлатыше- влак кугу проектлам шыҥдарыме нерген раш уверым каласкаленыт да эше улшо йодыш- влакымат ушештареныт, Шереметев замкым пужен ыштыме, илыме вер да коммунал озанлыкым модернизироватлыме, тунемме тӧнеж- влакым, спорт ден тазалыкаралтыш объектлам чоҥымо нергенат. Окса ден кылдалтше, шыҥдарыме жап, проект да смета документацийыш вашталтышым пуртымо йодыш- влакым виктарен колтымо теме- влакым каҥашыме. Уна- влак полышым пуымо пашашке ушнен шогаш ямде улмо нерген каласеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски