Республикыштына ялысе ик школым капитально олмыктат
Республикыштына ялысе ик школым капитально олмыктат. Кугыжаныш закупко сайтыште ончыктымо почеш У Торъял районысо Овалже ялыште верланыше Совет Ушемын Геройжо Лебедев лӱмеш Немда кыдалаш школым капитально олмыкташ палемдыме. Пашан акше 105 миллионат 666 тӱжем теҥгем эрта. Школышто тӱрысынек вӱдым ситарыме системым вашталтат, у сантехникым шындат. Батарейым, окнам уым ыштат, химий кабинет ден пищеблоклан южтарыме системым уэмдат. 50 утла видеоэскерыме камерым вераҥдат. Пашам 19-ше янвраьыште тӱналшаш да икымше августлан мучашлышаш улыт.
Фото: freepik.com
Фото: freepik.com
