Йошкар-Олаш пурымаште вераҥдалтшаш стела-влакым ойырен налме шотышто йӱклымаш тӱҥалын
Кугыжаныш полыш порталыште Йошкар-Олаш пурымаште вераҥдалтшаш стела-влакым ойырен налме шотышто йӱклымаш тӱҥалын. Чылаже 23 эскиз да нуным умылатрымаш темлалтыт. Шке йӱкым 7-ше дкабрь марте пуаш лиеш. Еҥ- влаклан умылаш куштылгырак лийже манын эскиз- влак кечывалым да йӱдым кузе коймыштым ончыктымо. Йӱклымашым комиссий иктешла да тудак сеҥышым рашемда. Таче 9 шагат эрлан йӱклымаште ончылно тыгай эскиз- влак улыт: 8-ше номеран эскиз- шордо- влакын кугу фигурышт 84 йӱкым поген, 20-шо номеран эскиз- марий тӱран Йошкар-Ола манын возымаш- 37 йӱк, шымше номеран сӱрет- кугу марий тӱр, Йошкар-Ола да олам негызлыме ийым возыман пале- ончылно улыт.
Фото: Скрин: Кугыжаныш полыш.
Фото: Скрин: Кугыжаныш полыш.
