СВО-н шуко шочшан ветеранжын илыме вержым келыштареныт
Звенигово районышто СВО-н шуко шочшан ветеранжын илыме вержым келыштареныт. Куд икшывын ачаже Алик Хуснутдинов 2022-шо ийын шыжым частичный мобилизаций годым службыш логалын. Снайперлан служитлен, Мужество орден дене палемдалтын. Кодшо ийын телым боевой заданийым шуктымыжо годым мине пудештме дене сусырген. Шола пулвуйжым пӱчкаш верештын. Моско да Белгородысо госпитальлаште кужун эмлалтме деч вара мӧҥгыжӧ пӧртылын. Тений шошым Алик Хуснутдинов дене илыме верым адаптироватлыме шотышто комиссий лийын. А шукерте огыл ветеранлан мо кӱлешым чыла намиеныт да «ушан пӧрт» системым шынденыт. Тидыже ятыр сурт пашам шукташ куштылгылыкым ыштен. «Ачамландым аралыше- влак» фондлан тау. Мыйын илышем утларак йӧнан лиеш,- тауштен Алик Хамитович.
Фото: «Ачамландым аралыше- влак» фондын филиалже.
Фото: «Ачамландым аралыше- влак» фондын филиалже.
