Республикысе яллашке 19 врач ден кыдалаш звенон вич специалистше пашам ышташ каен
Республикысе яллашке 19 врач ден кыдалаш звенон вич специалистше пашам ышташ каен. Тыге тазалыкаралтыш министерстве «Земский врач» да «Земский фельдшер» программыла почеш ойпидышым кылдыме шотышто 2025-ше ийысе планым темен. Медицина организацийлашке физический да реабилитаций медицинын врачше, участковый педиатр ден терапевт, невролог, уролог, стоматолог- терапевт, стоматолог- хирург, УЗИ врач, офтальмолог, хирург, психиатрым колтымо. Вич врачше тора да миен шуаш неле яллашке каен. Тидлан нунылан кугемдыме компенсацийым- ик миллионат пелым пуымо, молыжлан ик миллион теҥгем, кыдалаш звенон специалистше- влак 750 тӱжем теҥге гыч налыныт. Эн шуко медицина пашаеҥ Медведео районым ойырен налын, ик фельдшер Оршанке районыш, Звенигово рӱдӧ эмлыме верыш ныл доктор, Элнет ФАП-ыш у вуйлатыше, Советский рӱдӧ эмлыме верыш ныл врач каеныт. Ойпидыш дене келшышын земский врач ден фельдшер- влак ойырен налме верыштышт вич ий пашам ыштышаш улыт.
Фото: источник photogenica, автор michaeljung
Фото: источник photogenica, автор michaeljung
