Марий кучедалше лӱмлӧ тактикым кучылтын, Тӱнямбал турнирыште шӧртньӧ медалым налын
Марий кучедалшылан лӱмлӧ тактикым кучылтмаш Тӱнямбал турнирыште шӧртньӧ медалым налаш полшен. Новосибирскыште греко-рим кучедалмаш дене «Йӱлан вийже» Тӱнямбал турнир мучашлалтын. Тиде кугу спорт событийым эртараш Российын Геройжо, кум гана олимпий чемпион Александр Карелин темлен. Медаль- влак верч элысе 40 регион гыч 200 виян атлет да Казахстан, Беларусь, Армений да Кыргызстан гыч уна- влак кучедалыныт. Марий Эл гыч олимпий резерв училищын студентше Юрий Ронжин миен. Тудо турнирын чемпионжо лийын. Спортсмен чаплын кучедалын, Краснодар край, Башкортостан да Новосибирск гыч патыр- влакым ныл гана ӱшанлын сеҥен. Шке тактикыштыже тудо Александр Карелинын «обратный пояс» манме палыме приёмжым кучылтын. Тиде решений эн кӱлешан лийын: тудо Юрийлан сеҥаш очком да сеҥышын шӧртньӧ медальжым конден. Тудын тренерже- Артур Садыков,- увертара республикын спорт министерствыже.
Фото: Спорт министерстве (архив).
Фото: Спорт министерстве (архив).
