Финанс грамотность чемпионат
Марий Элысе пенсионер-влак финансовый грамотностьыштым терген кертыт.
1 октябрьыште пенсий ийготан-влак коклаште финансовый грамотность дене Всероссийский чемпионатын регионысо этапште эрташ тӱҥалеш. Тушто ушнышо-влак финанс дене кылдатше палымыштым пеҥгыдемден, тыгак шуко уым пален налын кертыт, - увертара Республикысе тӱвыра, печать да калык-влакын пашашт шотышто министерстве.
Чемпионатыш 63 ий деч кугурак ийготан пӧръеҥ-влак да 58 ий деч кугугарак ӱдырамаш-влак ушнен кертыт. Тидын годым нуно пенсионер статусан лийшаш улыт.
Регионышто сай шинчымашым ончыктышо-влакым федерал этапышке ойырат. Тушто команде дене таҥасаш тӱҥалыт. Йошкар-Олаште чемпионат Юл кундемысе кугыжаныш технологический университетыште, Ленин площадьыште верланыше корпусыштыжо, эрташ тӱналеш.
