Самырык лейтенант-влак пашаш толыныт
Республикысе исправительный тӧнежлашке самырык специалист-влак пашам ышташ толыныт. Чыланат Марий Эл гыч улыт. Тунем пытареныт Рязань, Владимир, Вологда, Самара олаласе наказанийым шуктышо федерал вузлам. Практикым шочмо кундемыштак эртеныт. Пашам ышташ Йошкар-Оласе следственный изоляторыш, икмыняр колонийыш да уголовно-исполнительный инспекцийыш колтеныт. Тӱҥалтыш жаплан кажне самырык лейтенантлан наставникым ойыреныт.
