Республикысе парламентарий- влак 9-ше сентябрьыште погынышаш луымшо сессийлан ямдылатыт

Республикысе парламентарий- влак 9-ше сентябрьыште погынышаш луымшо сессийлан ямдылатыт
              Республикысе парламентарий- влак 9-ше сентябрьыште погынышаш луымшо сессийлан ямдылатыт. Тидын вашеш Депутат кече эртен. Тушто правительство вуйлатышын алмаштышыже- финанс министр Алексей Торощин лийын. Тудо республикын бюджетышкыже темлыме тӧрлымаш- влак дене палдарен. Нуно тенийлан да план почеш 2026-шо- 2027-ше ий- влаклан бюджетын тӱҥ параметрже- влак дене кылдалтыныт. Мутлан, тенийлан республикын бюджетшым кум миллиардат 667 миллион теҥгелан , а роскотым 6 миллиардат 579 миллион теҥгелан кугемдаш палемдалтеш, дефицитше кок миллиардат 911 миллион теҥге лиеш.
             План почеш ончыкылык ий- влакланат бюджетын парыш да роскот ужашыже кугемме велыш вашталтшаш: 26-шо ийлан 11 утла миллион теҥгелан, 27-ше ийлан лу утла миллионлан. Министр умылтарен: 2025-ше ийыште публичный обязательствым шукташлан оксан кугытшо вич миллиард утла теҥгелан кугемдалтын. Тиде СВО-лан  кӧра полыш, АПК-лан, туризмым вияҥдымылан поддержка, инвестпроект, тазалыкаралтыш объектлам чоҥымаш, ЖКХ-м модернизироватлымаш да молат улыт.
              Марий Элым вуйлатышын резерв фондшат, республикысе корно фондат кугемыт. Муниципал образований- влаклан окса полышат тӧрлалтеш. Министр тидымат рашемден: тенийлан верысе инициативе программе кышкарыште палемдыме чыла проектым шыҥдараш оксам тичмаш ойырымо.
           Фото: Марий Эл Кугыжаныш Погын.

Прошлые выпуски