Школ-влаклан полыш
«Молодежь и дети» калыкле проект почеш Марий Элысе школлаште ОБЗР да тТруд предмет-влак дене кабинет-влакым кӱлеш оборудований да тунемме материал дене йӧнештарат. Тыгай паша 187 школышто эртаралтеш. ОБЗР кабинетлашке индивидуальный аралтыш средства-влакым, тренажёр ден симулятор-влакым, мастерскойлашке станокым, ургымо машинам, манекеным да молымат налыт.
Туныктышо-влаклан методике полыш семын ресурсно-методический рӱдер-шамычым ышташ шонат.
