Марий Эл грипп чер ваштареш вацинаций шотышто Россий кӱкшытан кампанийыш ушнен
Марий Эл грипп чер ваштареш вацинаций шотышто Россий кӱкшытан кампанийыш ушнен. Роспотребнадзор виктемым вуйлатыше Анна Попова Эрвелысе 10-шо экономик форумышто вакцинацийын тӱҥалмыже нерген увертарен да чылам привикым ыштыкташ ӱжын. Грипп чер деч иммунизаций ончычсо семынак кӱлешан улеш,- палемдат тӱнямбал да российысе эксперт- влак Российыште грипп дене черланымашым вакцинаций палынак шагалемдаш полшен. Тидым шуко ий эскерымаш пеҥгыдемден ончыкта. Федерал бюджет гыч оксам ойырымо, 70 миллион дозо вакциным ыштен лукмо да налме, шукырак ужашыже квадривалентный улеш. Регионлашке налме тӱшка вакцинын 30 наре процентшым колтымо, прививка кампаний тӱҥалеш,- каласен Анна Попова. Тений Роспотребнадзор элысе калыкын 60 процент марте еҥжым вакцинироватлаш шона, тушко риск группо гыч 75 процент еҥ пура.
