Финн-угор калык- влакын форумыштышт Марий Эл гыч шанчыеҥ- влак йылмылам аралыме да вияҥдыме технологий- влакым презентоватленыт

Финн-угор калык- влакын форумыштышт Марий Эл гыч шанчыеҥ- влак йылмылам аралыме да вияҥдыме технологий- влакым презентоватленыт
            Саранскыште эртыше финн-угор калык- влакын Россий кӱкшытан кокымшо форумыштышт Марий Эл гыч шанчыеҥ- влак йылмылам аралыме да вияҥдыме технологий- влакым презентоватленыт, искусственный интеллектым кузе кучылтмо нерген ойленыт. Форумышто элысе 35 регион да Казахстан гыч 300 утла участник лийын. Марий Элын делегацийыштыже тӱвыра, шанче, мер пашаеҥ, кугыжаныш служащий, студент- влак чылаже 20 наре еҥ лийын. Йылмым, сылнымутым да историйым научно шымлыше Валериан Васильев лӱмеш марий институт йылме- влакым шымлыме да вияҥдыме технологий дене палымым ыштен. Поснак марий йылмым арален кодымаште да вияҥдымаште искусственный интеллектым кучылтмо нерген ойлен,- палемден Марий Эл Правительстве председательын икымше алмаштышыже Михаил Васютин. Тиддеч посна Марий Эл гыч Марий Юмын йӱла, самырык- влакын шанче проектышт нерген ойленыт. Форум кышкарыште тыгак финн-угор йылме, тӱвыра, йӱлам шарен колтымо, вияҥдыме да арален кодымашке виктаралтше самырык- влакын Россий кӱкшытан кокымшо конкурсышто сеҥыше- влакым палемдыме. Тений конкурсыш 36 проектым пуымо. Тушечын 11 сеҥышым ойырен налме. Йылмым арален кодымо да вияҥдыме аланыште икымше степенян диплом дене «Мемнан мутна» тӱвыра да шинчымашым шарыме проектын авторжо Николай Любимовым палемдыме.
               Фото: Тӱвыра министерстве.

Прошлые выпуски