Финн-угор театр- влак Марий Элыш погынат
Финн-угор театр- влак Марий Элыш погынат. Финн-угор калык- влакын театрыштын «Майатул» 15-ше тӱнямбал фестивальышт Йошкар-Олаште 24-ше гыч 31-ше май марте эрта. Артист- влак Йошкар-Ола, Саранск, Озаҥ, Ижевск, Ханты-Мансийск, Сыктывкар, Петрозаводск, Кудымкар, Элиста да моло вер гыч толыт. Фестивальыште икымше гана уна семын Татарстан ден Калмыкий гыч усталык коллектив- влак лийыт. Коллектив- влак 11 спектакльым ончыктат. Чыла постановкыжат руш йылмыш синхронно кусаралтеш. Фестивальым Российын тӱвыра министерствыже, Марий Элын тӱвыра министерствыже, Театр пашаеҥ- влакын ушемышт, Шкетан лӱмеш марий калыкле драма театр эртарат. Фестивальым петырымаш гыч Ютуб канал дене онлайн трансляций ончыкталтеш.
Фото: МариУвер.
Фото: МариУвер.
