Йошкар-Оласе клумбылашке пеледышым луктын шындаш тӱҥалыныт

Йошкар-Оласе клумбылашке пеледышым луктын шындаш тӱҥалыныт
           Йошкар-Оласе клумбылашке пеледышым луктын шындаш тӱҥалыныт. Тидлан утларак йӱштын кораҥмыже йӧным ыштен. Кусарышаш пеледышым оласе оранжерей ямдылен. Эн ончыч тудым Сеҥымаш бульварыште. Курымашлык тул, Воин чап мемориал воктене шынденыт. Черетыште Чавайн бульвар улеш. Марий паркыштат паша шолын шоген. Тушто газоным ыштеныт, участкылам тӧрленыт, нӧшмым ӱденыт. «Город» МУП-ын пашаеҥже- влакын ужашыже пеледыш дене пашам ыштен гын, молыжо корным олмыктен, арулыкым ыштен. Чавайн бульварыште лакылам олмыктымо. Киров-Строитель уремыште тротуарым мушкыныт, Йыван Кырлаште телым шавыме олмам кораҥденыт, Воскресенский проспект ден Чавайн бульварыште шӱк-куштырам погеныт, Киров уремыште чарналтыш павильонын поликарбонатшым вашталтеныт, Анциферов уремыште чарналтышым  эрыктеныт, Гагарин проспектыште газоным соленыт.
           Фото: «Город» МУП.

Прошлые выпуски