Йошкар-Олан тӱшка транспортшым кугу уэммаш вуча

Йошкар-Олан тӱшка транспортшым кугу уэммаш вуча
              Йошкар-Олан тӱшка транспортшым кугу уэммаш вуча. Марий Элым вуйлатыше Юрий Зайцев «Троллейбус транспорт» предприятийыш миен, тудын илышыже да пашаже дене палыме лийын. Тидын нерген директоржо Сергей Деряев каласкален. Предприятий 11 троллейбус да лу автобус маршрутым обслуживатла. Тачысе кечылан тушто 105 троллейбус ден 90 автобус уло. Кече еда предприятий 55 тӱжем пассажирым шупшыкта. Предприятийыште 700 еҥ пашам ышта. тушечын 250-же- водитель улыт. Кодшо ийын 14 миллион пассажир коштын, тений 19 миллион наре погынышаш. Вашлиймаште транспорт составым, инфраструктурым уэмдыме, посна автобус паркым чоҥымо да пойдарыме йодышым каҥашыме. Кызытсе жаплан вич троллейбусым налаш контрактым ыштыме. Главан мутшо почеш, 2030-шо ий марте ола транспортым уэмдаш федерал программе кышкарыште 90 троллейбусым налаш йодыш ончалтеш, а автобусым 160-лан пойдараш палемдалтеш. Тыге автобус парк 250 единице марте пойдаралтшаш
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски