Марий Элыште тулык йоча- влаклан илыме верым ситараш тений 572 миллион теҥгем колтымо лиеш

Марий Элыште тулык йоча- влаклан илыме верым ситараш тений 572 миллион теҥгем колтымо лиеш
             Марий Элыште тулык йоча- влаклан илыме верым ситараш тений 572 миллион теҥгем колтымо лиеш. Республикым вуйлатыше Юрий Зайцевын эртарыме правительствын заседанийыштыже икмыняр социал-кӱлешан йодышлам каҥашыме. Заседанийым почшыла Регионым вуйлатыше Правительстве Председательын алмаштышыже Степан Воронцовлан Россий оборона министрын икымше алмаштышыже- Россий Вооруженный Вийын генеральный штабшым вуйлатыше  Валерий Герасимовын грамотыжым кучыктен. Марий Элым вуйлатышылан 34497 войсковой частьын командиржын чак вашкылым кучымылан, полыш ден поддержкылан, СВО-што задачым шукташ полшышо чолга граждан позицийлан тауштымашан серышыжым пуымо.
            Заседанийыште шушаш ийын тӱзландарышаш тӱшка кумдык- влак верч йӱклымашын лектышыжым увертарыме. Йӱклымашке 52 тӱжем утла еҥ ушнен. Тыге 2025-ше ийыште 8 тӱшка кумдыкым тӱзландараш тӱҥалыт. Паша да социал аралтыш министрын алмаштышыже Галина Ярцева увертарен: тений тулык йоча- влаклан илыме верым ситараш 572 миллион теҥге ойыралтеш. Тидыже 260 тулык йочалан шке пачеран лияш йӧным пуа. 
            «Республикыште сакыр диабет дене кучедалмаш» регионысо программым шыҥдарыме нерген тазалыкаралтыш министрын алмаштышыже Татьяна Бастракова ойлен. Тудын мутшо почеш пытартыш 5 ий жапыште республикысе калык сакыр диабет дене 26 утла процентлан шукырак черланен. Тиде черым пален налаш да пациентым терген шогаш ешарен 9 миллионат 700 тӱжем теҥге ойыралтеш.
                 Кӧргӧ политике, верысе самоуправленийым вияҥдыме да юстиций министр Антон Мирбадалев каласен: тений Килемар муниципал район Килемар муниципал округыш пужен ышталтеш. Тидыже верысе кучемын паша лектышыжым кугемдаш манын ышталтеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски