Пайрем вашеш Юрино посёлкышто тарванылшан икымше скульптура композиций ышталтеш
Марий Элысе Юрино район тений 100 ияш лӱмгечыжым палемда. Пайрем вашеш Юрино посёлкышто тарванылшан икымше скульптура композиций ышталтеш. Тиде арт-объект «кукуан шагат» маналтеш. Тудо Шереметев замкын пырдыжше воктене сувенир кевыт пырдыжеш вераҥдалтеш. Скульптурым икымше июньышто почаш палемдыме. Кечеш ныл гана 10, 12, 14 да 16 шагатлан илемын историй рӱдыштыжӧ йомак йоҥгаш тӱҥалеш. Тудым Йошкар-Ола гыч самырык автор Кристина Архипова возен, а йоҥгалтара Марий Элын калык артисткыже, Курчак театрын актрисыже Эльвира Лисицына. Йомак шым минут шуйна. Тудын тӱҥ геройжо- влак: шордо, маска, рывыж, пире, коля, корак да мераҥ. Чыла персонажшымат арт-объектыште ужаш лиеш. Но тӱткынрак ончаш кӱлеш. Эн изи-коляже лу сантиметр кугытан гына. Эн тӱҥжӧ кукун лекмыже да шагатын кырымыже лиеш. Механизм дене кызыт москосо мастар- влак тыршат.- увертара спорт-туризм министерстве.
Фото: Спорт-туризм министерстве.
Фото: Спорт-туризм министерстве.
