Кира спорт дене Угарман областьын чемпионжо лӱмым уэш Йошкар-Ола гыч пожарный налын
Кира спорт дене Угарман областьын чемпионжо лӱмым уэш Йошкар-Ола гыч пожарный налын. Марий Эл гыч МЧС виктемын пожарныйже Радиф Алексеев кира спортышто шке сеҥымашыже- влак дене ондакат палыме, уэш шке лектышыже дене ӧрыктарен. Спортсмен Угарман областьыште таҥасымаште уэш икымше верым налын да Российын спорт мастерже нормативым эртарен шуктен. Чемпион лӱмым тудо тений январьыште налын ыле. А июньышто Радиф Алексеев кира спорт дене Улан-Удешке Российын Чемпионатышкыже кая.
Фото: Марий Элысе МЧС виктем.
Фото: Марий Элысе МЧС виктем.
