Шындыр эҥер гоч кӱварым 45 процентлан ыштен шуктымо

Шындыр эҥер гоч кӱварым 45 процентлан ыштен шуктымо
           Шындыр эҥер гоч кӱварым 45 процентлан ыштен шуктымо. Виловат- Шиндыръял корнын нылымше меҥгыштыже верланыше кӱвар капитально олмыкталтеш. Паша «Качестван лӱдыкшыдымӧ корно» калыкле проект кышкарыште шукталтеш. Тиде корно Курык марий районысо Яндусола, Шындыръял, Артюшкансола да моло лишыл изи ялласе калыклан социал кӱлешан объектлашке кошташ йӧным почеш. Кок пролётан кӱртньӧ-бетон кӱварыште пашам «Мостремстрой» подрядчик кодшо ийын сентябрьыште тӱҥалын да тений кеҥеж мучашлан ыштен шукташ шона. Олмыктымо корнын кужытшо 29 метр лиеш. Шуктымо пашан акше 59 миллион тенгем эрта. Тачысе кечылан кӱварын негыз меҥгыжым, кӱварын сер дене ушнымо вержым капитально олмыктымо, плита-шамыч ден балке- влакым вашталтыме, кӱвар полотном пыштыме. Эше асфальтым шараш, чараклыше да перила саварым ышташ кодеш. Тений идалык мучаш марте республике мучко 50 процент кӱварым норматив марте шуктышаш улыт,- увертара транспорт министерстве.
          Фото: Транспорт министерстве.

Прошлые выпуски