Ял озанлык министрын алмаштышыже У Торъял районысо озанлык дене палыме лийын

Ял озанлык министрын алмаштышыже Андрей Кондратенко ден «Марийская» агрохимий службо станцийым вуйлатыше Вильдан Габдуллин паша дене У Торъял районысо «Первый май» колхозыш миеныт. Нуно пасу паша тургым дене палыме лийыныт, кушкылын могайрак улмыжым акленыт, шурным погаш ямдылалтме пашам онченыт да шӧр фермым чоҥышаш верыш миеныт. Оперативный данный почеш, республикысе ял озанлык организаций ден кресаньык озанлыклаште шудым 41 тӱжем тонным шапашлыме. Тидыже планын 92 процентше лиеш, сенажым 85 процентым, силосым 29 процентым аралаш пыштыме. Тыгак ӱдымӧ кумдыкым копшаҥге деч аралыме паша кая, каныше мландым куралыт.

Прошлые выпуски