Экзамен кампанийын икымше лектышыжым иктешлыме
Экзамен кампанийын икымше лектышыже пале лийын. Кызыт республикысе школлаште ЕГЭ-м кучымо тӱҥ жап кая. Тымарте информатике да ИКТ, сылнымут да географий дене лектыш пале лийын. Информатике да ИКТ дене ЕГЭ-м 164 еҥ сдатлен, кодшо ийысе деч 16 еҥлан шукырак. Эн изи лектышым ончыктышо- влакын чотышт 10,98 процент марте волен. Кодшо ийын 12, 16 процент лийын. Географий дене 65 еҥ шинчымашым терген, эн изи баллым ончыктышо- влак ешаралтыныт, но 100 баллым погышо- влакат 0,47 процентлан шукемыныт. Сылнымут дене ЕГЭ-шке 132 еҥ миен, кодшо ийысе деч 14 еҥлан шукырак. 81-99 баллым погышо- влакын чотышт вашталтын огыл, 5,3 процентак кодын, а эн шагал баллым погышо- влак вич процентлан ешаралтыныт.
