Республикыштына онкодиспансерын у поликлиникыже лийшаш

Республикыштына онкодиспансерын у поликлиникыже лийшаш. «Онкологий чер дене кучедалмаш» регионысо проектым шыҥдарыме кышкарыште Марий Элын бюджетше кӱшеш онкологий диспансерын поликлиникыжым чоҥаш  ныл миллионат 300 тӱжем теҥгелан  проект да смете документацийым ямдылаш контрактым ыштыме.Тазалыкаралтыш министерствын умылтарымыж почеш: поликлинкым чоҥымаш онкологий черан- влакын ешаралтмышт, кӱкшӧ квалификациян медицина полышым пуаш кӱлмӧ дене кылдалтын. Кызыт поликлинике хирургий корпусын икымше пачашыштыже верланен, кугу ийготан да начар коштшо еҥ- влакым приниматлаш келыштаралтын огыл. Тудо ик сменыште 50 еҥым гына терген кертеш, а ик сменыште 250 еҥым ончен кертшаш. Чоҥашлан мланде участкым ойырымо. Пашан акше 300 миллион теҥгеш шуэш. Чоҥымо паша 2022-шо 2023-шо ийыште шуктышаш улыт.

Прошлые выпуски