Сад-пакчам вуйлатыше- влак совещанийыш погыненыт
Теҥгече республикысе мер-политик рӱдерыште сад-пакча товариществе- влакын вуйлатышышт дене Садовод- влак ушемым вуйлатыше Геннадий Петрушин совещанийым эртарен. Тушто кок тӱҥ йодышым ончымо: товариществылан электроозанлыкыштым кусарыме годым территориальный сеть организаций дене вашкыл да сад-пакчазе- влакым шупшыктымаш. «Мариэнерго» директорын алмаштышыже Юрий Егошин увертарен: электросетьым энергетик- влаклан кусарыме шотышто паша радамым рашемдыме. Пашам тӱҥалме гынат, СНТ вуйлатыше- влакын тӱрлӧ йодышышт лектеш: тиде паша яра ышталтеш але оксам тӱлыман, кӧ документым ямдыла, ялысе але оласе тарифын негызше могай да молат. Сандене «Мариэнергон» площадкыштыже кажне тылзын 20-шо кечынже Садоводын кечыжым эртараш темлыме. Кугу мутланымашым садовод- влакым шупшыктымо йодыш тарватен. Поыгыншо- влак икте-почеш весе- шуко йодышым тарватеныт. Кугыжаныш Погынын депутатше Надежда Богачуклан ресубликыште сад да пакча пашам вияҥдыме да тидлан полшымо шотышто регионысо законопроектым ямдылаш кӱштымӧ.
