Газонеш машинам кодымылан штрафым тӱлыкташ куштылгырак лийын

Администативный правонарушений кодексышке мартыште вашталтышым пуртымо. Тудын дене келшышын, машинам газоныш шындымылан штрафым тӱлыкташ куштылгырак лиеш. Ужартыме кумдыкышто: йоча да спорт площадкыште, газон ден пеледыш йыраҥыште, пийым коштыктымо верлашке машинам пуртен шындымылан икте гыч кум тӱжем теҥге марте штрафым тӱлдыктен кертыт. Должностной еҥ- влак кумыт гыч визыт, юридический еҥ- влак визыт гыч 10 тӱжем теҥге марте тӱлат. Тиде административный паша дене материалым ола администрацийын контроль пӧлкажын специалистше- влак возат. Вара акт ден фототаблицым администраций комиссийыш пуат. Тушеч уверым ГИБДД налеш да машинан озажым рашемда.

Прошлые выпуски