Олмыктымо уремым уэш тӧрлаш верештеш

Марий Элысе общероссийский калык фронт Йошкар-Оласе кучемым кодшо ийын корным олмыктышо- влакым мут кучаш шогалташ ӱжын. Фронтын ончыл еҥже- влак кодшо ийын олмыктымо корнылан палынак шолдыргымыштым рашемденыт. Нуно оласе кучемлан подрядчикым мут кучаш шогалташ да корно участке- влакым норматив марте шуктыкташ ӱжын ойлат. Калыкле проект кышкарыште кодшо ийын Йошкар-Олаште ныл уремым олмыктымо: Ленин проспектым, Карл Маркс, Западный да Первомай урем- влакым. Тӱшка налмаште 10 уштышат 800 метрыш погына. ОНФ  нуным тергымеке, тыгай шонымашыш шуын: гарантийыште улшо чыла корныжат теле дене тергымашым эртен кертын огыл. Карл Маркс ден Западный уремлан ужашыштыже асфальтын ӱмбал пачашыжым вашталташ кӱлеш. Тудо шӱштырген да корно лунчырга, разметке кодын огыл манаш лиеш. Первомай уремыштат ситыдымаш- влак улыт. Чыла нине йодышым ОНФ контрольыш налын. 

Прошлые выпуски