Экологий лӱдыкшӧ деч аралалтме кече- влак тӱналыныт
Республике кундемыште экологий лӱдыкшӧ деч аралалтме кече- влак тӱналыныт. Марий Эл Правительствын пунчалже негызеш кече- влакым эртарыме планым ыштыме. Тушко министерстве, ведомство да организаций- влакын темлымашышт пурен. Акций 21-ше март гыч 5-ше июнь марте шуйна. Тиде мероприятий тӱшка калыкым йырым йырысе средам аралымашке, пӱртӱсым аралыме тӱшка мероприятийлашке ушаш полша. Тудын кышкарыште Экологий акций, «ужар субботник», кундемлам тӱзландарымаш, эҥер сер ден памаш- влакым эрыктымаш, кушкылым аралымаш, чодырам шындымаш, шӱкшак погынымо вер- влакым кораҥдымаш эртаралтшаш. Экологий лӱдыкшӧ деч аралалтме кече- влак Российыште 26 ий утла эртаралтыт. Тений нуно Кугу Сеҥымашлан 75 ий теммылан пӧлеклалтыт. Пӱртӱс поянлык министерстве чыла калыкым тушко ушнаш ӱжеш.
