Короновируслан кӧра «шокшо линийым» почмо
Короновируслан кӧра риск тӱшкаш пурышо илалше еҥ- влаклан полышым пуымо шотышто «шокшо линийым» почмо. Общероссийский калык фронт партнёржо- влак дене пырля 60 ий деч кугурак еҥ- влаклан полышым пуаш тӱҥалыт. Единый колл-рӱдерын проектше «Росконгресс» фондын, волонтёр рӱдер- влак ассоциацийын, «Медик волонтёр- влак» мер толкынын, «Конституцийын волонтёржо- влакын» полшымышт дене шукталтеш. «Шокшо линийын» телефонжо дене илалше да коштын кертдыме еҥ- влак волонтёр- шамычлан кочкыш сатум, эмым, эн кӱлешан сатум налме да кондымо шотышто йодмашым коден кертыт. «Шокшо линийыш» тымарте полышым йодын 50 йодмаш пурен. Тушко тыгак волонтёр лияш шонышо да продуктым кондаш кумылан-влак йыҥгыртат. Тымарте ОНФ-ын штабше элысе 28 регионышто почылтын. Колл-рӱдер сутка мучко пашам ышта. «Шокшо линийын» номерже- 8 800 200 34 11.
