Угарман гыч Марий Элыш чодырам шолышташ толыныт

Марий Элыште Угарман область гыч шолып чодырам руышо- влакым судитлыме. Курык марий районысо суд Воротынский район гыч 56 ияш да 44 ияш еҥ- влак шотышто уголовный паша шотышто пунчалым луктын. Прокуратурын пресс-службыжын увертарымыж почеш, 2018-ше ий сентябрь- октябрьыште нуно Юрино лесничестве кундемыште 144 куэм, 62 кубометрым, руэныт да трактор дене наҥгаеныт. Тыге чодыра фондлан 789 тӱжем теҥгеаш эҥгекым конденыт. Шке титакыштым тӱрыс умыленыт. Суд кажныжым кум ийлан условно судитлен. Ыштыме эҥгек кугыт оксам пӧртылташ пунчалыныт, вич бензопилаштым поген налме. Кок трактор ден автомобильыштым оксам тӱлымешкышт арестоватлыме.

Прошлые выпуски