Республикысе амалкалче- влак ужалкалыме кумдыкым ешарат

Республикысе амалкалче- влак ужалкалыме кумдыкым ешарат
             Республикысе амалкалче- влак ужалкалыме кумдыкым ешарат. Элнан президентше Владимир Путин ден Российын Правительствыже изи да кыдалаш предпринимательствын субъектше- влакым поддержатлаш да экспорт куатым пеҥгыдемдаш кугу тӱткышым ойырат. Марий Элысе амалкалче- влак экспорт пашам чолган виктарат да ужалкалыме кумдыкым ешарен толыт. Мутлан 2024-ше ийыште Марий Элын внешнеторговый оборотшо 26 процентлан кушкын. Экспорт 37 утла процентлан ешаралтын. Регион 52 эл дене кылым куча. Тидын годым товарооборотын 61 процентше тора йот эл- влаклан логалеш. Тӱҥ сату: машина ден оборудований- 37 утла процент, кӱртньӧ да изделий 18 утла процент, целлюлоз-кагаз сату- 15 утла процент улыт.
              «Тӱнямбал коопераций да экспорт» калыкле проектлан кӧра Марий Эл ял озанлык продукцийымат чолган ужала. Агропромышленный продукцийым йот эллаш кодшо ийын 77 миллион долларлан колтен. Тидыже 2023-шо ийысе деч иктат ныл луаш гана шукырак да план показатель деч нылыт пеле гана утларак лийын.
               Республикым вуйлатыше Юрий Зайцев телеграм каналыштыже палемден: экспортым умбакыжат кумдаҥдаш, у рынкылашке лекташ да Марий Элым качестван продукцийым ӱшанлын колтышо поставщик семын пеҥгыдемдаш шонена.
          Фото t.me/yvzaitsev

Прошлые выпуски